REëN IN DIE BOESMANLAND

                            Ek slaan  my  oë op na bo

            Na  wolke  mooi - ek  moet net glo-

             ek  ken die land,  my  Boesmanland

               Wolke  kom -en wolke   gaan - 

                     my  moed's gedaan.

            Ek  breek  my  oop - my siel roep luid

                  Na my God verlangend  uit

              Wolke pak -   ek  skep weer moed

                My God en Heer is vir my goed

          Die donder dreun - die druppels  val

              ek  weet dit is,  gena - dis al

              Die reuk van stof  en reën  so soet  

             Is  heil'ge  salf  vir  my gemoed 

              My hande ruk nou self omhoog

                 na die bloue hemelboog 

            Ek bring  Hom eer - my Grote Heer

              ek  juig en lag  oor hierdie seën -

                       dat trane loop 

                  deur druppels heen !

Elma